كنت بحلم...الشاعرة_رضاعبدالوهاب

كنت بحلم لمَّا ييجي العيد
تنزل على الدنيا بشاير
أجرى أبعتر الضفاير
أرتمى فى مجرى الوريد
يلبس الكل جديد
يغسلوا كل الضماير
وأما أقابلك بسمتى 
تسبق كلامى عام سعيد
بس كان الحلم صعب
والمُحال دايما ًبعيد
لسة صوت القنبلة 
ترعب تشيب الوليد
لسة غصن السنبلة 
مغروس فى مدفع حديد
كنت بحلم لمَّا ييجى العيد
أرسم على الأرض الورود
والقلوب وعرايسى ولعبتى
وألعب ولا تحوشنى حدود
يكفى يشوفو ضحكتى
المعانى اتغيرت كل الردود
صبحت صراخ استباحوا دنيتى
والعيد رجع ,,رجع مغطيه الوجع
ينزف ألم جريح ولاعمره من وجعه شبع