ما ترسميش....شعر عامية...الهام شرف

إنت لسه صغيرة
ما ترسميش
شخبطي
حتى ما يقولوا عليك
ليه بدأتي تلخبطي
عيشي عمرك وادي قلبك حق له ما تضيعيش
الزمان الي احنا فيه يوم يروح
واما تحتاجي تلاقيه ما بترجعيش
بصي بعيونك أوام أو تملي
إلمحي ..مين فينا اللي حبك
بس...كل العيون ما تصدقيش
إسألي قلبك وجاوبي
حصني حتى السؤال
إوعي مرة تقولي إن العيشة دي فيها محال
إضحكي ...وصلي ضحكك لكل الشقيانين
نسي فيهم حاجة إسمها صوت الأنين
إزرعي جوه الأمل بسمة لونها يخضر أوام
واسمعي حتى النصيحة من حكيم
شاوري قولي انك فهمتي
واوعي تنسي
راح هجيلك تاني يوم
واسألك نفس السؤال
ليه تملي الفجر يدن
وانت ليه ما بتسمعيش مرة الأدان
عيبك انت والملامة عاللي خان
هاتي إيدك راح ادلك عالطريق
يا حبيتي إسمعيني
وافهمي إن ليك اغلى رفيق
مش عشان ....واحد يبيع
يتزرع جوانا إن الكل باع
إحنا مش لازم نضيع
دي بلدنا
اللي فيها العيش أمان
حتى ناسها سهرانين
بصي في وشوهم تلاقي
إن نبض الحب باقي
بس خوفهم م اللي جاي
وشوش الطير الجريح
لازم يعيش