بحلف ببلادى ....بقلم الشاعر حسين الديب

،،، بحلف ببلادي ،،،
 الشاعر حسين الديب ،،،

و بحلف بسماكي يا بلادي
 يا زهره من نبع الوادي ،،

يا ضحكة طفل بيتغنى
 بغناويكي بس بصوت هادي ،،

يا بسمة جندي بيستشهد
 و بسلاحه يدمر في العادي ،،

وبصرخة نصر الله أكبر
يتشاهد على إسم بلادي ،،
--------
بحلف بالجندي و أمجاده
 و دفاعه عن أرض بلاده ،،

بحلف بالطفل إللي إتربى
بعزة و كرامة أجداده ،،
-------
بحلف بالعلم إللي يرفرف
 بحلف بالطفل إللي بيهتف ،،

بحلف بالجندي إللي بيوصف
حبه و صباعه على زناده ،،
------
بحلف بالإيد إللي بتبني
 و تعمر مستقبل إبني ،،

و بتبني حضارةأولادنا
و تأسيسها راح يكمل بإبني ،،
-------
بحلف بالعقل إللي يفكر
 و بفكره يجدد و يطور ،،

بحلف باﻹيد إللي تخضر
 الصحرا بمياه الوادي ،،