ويجمع حلمه المكسور
ويطبطب ع الوجع الساكن
جوه الجرح
ويركب جناحات للقلب
علشان بيها يطير للفرح
حالف قلبى ل ينسى ألآمه
ويبص من اليوم قدامه
وتلمع عينه ب ضي جرئ
ماهو مش يعنى عشان حدوته
كانت بايخة وكات ملتوتة
نقفل كل فصول القصة
ونبطل نكتب حواديت
ندفن نفسنا فى التوابيت
طب بالذمة دى تبقى حياة
رب العزة خلق العلة
بس هدانا نلاقى دواه
ارسم حوالين منك دنيا
دنيا تكون حابب تفاصيلها
مثلا ترسم مركب سايرة
ف عرض البحر
والامواج بتشيل وتحط
بس شراعها واقف ثابت
والمجداف ابدا مش خايف
حالفة ل توصل يوم للشط
يبقى هتوصل
أو ارسم عصفور ضعفان
واقف ع الأرض وحيران
ولا عارف مالضعف يطير
ولا راضى بعيشته ع الأرض
دبت جوه ف قلبه عزيمة
بتقول لأ انا لازم اطير
حاول أول مرة يطير ف وقع
أرض
قام ولا همه وحاول تانى
بس الحظ ما كانش معاه
ووقع تانى يا ولداه
بس اليأس ما كانش مصاحبه
ورفع عينه وقال راح أقدر
وفرد ريشه بعزم ما فيه
وقال يا معين
وفضل يعلا ويعلا ويعلا
ووصل حتى بلاد الصين
إرسم أرض بوسع الكون
وابدر فيها بذور القمح
وارويها بالحب الصبح
تطرح فيها سنابل الخير
لما يهل عليك الليل
وارجع تانى وارسم حلمك
ع الوجه المشرق م الشمس
وانسى كل هموم الأمس
تظهر ضحكة ف وش الشمس
وإنت ساعتها بفرحة تحس
وارجع تانى لنفسك بص
لسه ما زلت حاسس باليأس
امسك تانى أدوات رسمك
علشان ترسم قلب كبيييير
قلب سعادته ف فعل الخير
قلب يساع م الأحباب سيل
قلب يلم قلوب عشاق
ويجمعهم بعد فراق
كل حبيبة وكل حبيب
يوهب ليهم مفتاح بيتهم
ويوصيهم على سعادتهم
ياخد منهم عهد ميثاق
مهما اختلفوا ومهما اتخانقوا
عمر الفرقة ما تدخل بينهم
ارجع تانى وارسم نخلة
نخلة جدورها حاضنة الأرض
بس فروعها طايلة القمرة
وإنت عليها بتجمع نوره
لاجل ما ترجع تصنع عقد
وتشبك حباته بحب
تهديه لأغلى نساء الارض
عرفان منك مغزول شكر
متغلف بأغالى العطر
وب بوسه على جبينها وإيدها
شكرا ليكى يا أطيب أم
ليست هناك تعليقات:
إرسال تعليق