( عندي استعداد )..عصام الباز

إن كنتي عاوزاني أنسى وأسامحك
عندي استعداد
مستعد لوصف شكلك وملامحك
لو بيننا بلاد
لو في آخر الدنيا بأكون لامحك
كان لك أمجاد
أنا واخد لون طينك مع لون قمحك
كفاياكي عناد
غربتيني في الدنيا الله يسامحك
كنتي أم لبلاد
طعنتيني ببنادقك ومعاها رمحك
في دلتا وواد
عشان أتلاشى ظلمك ومطامحك
محتاجة أوتاد
عشان مين أتلفتي مقاودك ومكابحك
وكرهك لنا زاد
إن كنتي عاوزاني أنسى وأسامحك
عندي استعداد