كنت فى زيارة الغابه الجميله
وكانت رهوانه قاعده مع اصحابه بتكلم معاهم فى امور الغابه...فلما خلصت زيارتى وراجع لقيت رهوانه زعلانه ووشها متغير ونبرة نهيقها مش عجبانى قولت لها ايه فيه ايه يارهوانه ايه بس اللى مزعلك قالتى بصوت اول مره اسمعوا منها قالت لى انا عايزه امشى من الغابه دى قولت لها وماله
زى ماانتى عايزه وعدينا على غابه واتنين وتلاته وجت على رابع غابه وقالت لى بس ندخل الغابه دى قولت لها يازين مااختارتى الغابه دى ربنا وهبها نعمة البحور بكل مافيها من جمال سبحان الخلاق وبها خيرات البحور سبحان من وهب وربنا وهب الغابه دى بالانهار وماحلاوة مياهها وجمال وحلاوة المراكب التى تمر وتروح فيها وفيها سماء صافيه وجو لاهوه حر ولاهوه بارد طول السنه وفيها وفيها وفيها كل من خيرات الله ايه الجمال ده وايه الحلاوه دى ومفيش لسه بقول لها واشرح لها الا وبصينا ولقينا حارس من حراس الغابه بيقولنا
اهلا وسهلا بيكم دا الغابه دى زى ماكنتم بتقولوا بها خيرات الله
سكان الغابه هنا كلهم بيحبوا بعض وبيخافوا على بعض وبيحموا بعض واللى بيعمل اكله حلوه لازم الكل يدوقها وياكل منها والعيان يلاقى كل سكان الغابه جنبوا يدعولوا ويعلجوه واللى محتاج هدوم من غير مايطلبها سكان الغابه يجيبوها ليه واللى محتاج اي شئ يلاقيه
والغنى يدى الفقير والكبير يعطف على الصغير والصغير يحترم الكبير وكل واحد هنا ليه احترامه وكل سكان الغابه بيسعوا على الخير واللى مش قادر يعمل الخير بيساعد على توصيله للمحتاج واللى مش قادر يقدم الخير واللى مش قادر يساعد فى توصيل الخير ربنا بيكرموا وبيخليه يصمت على الاقل......الله هوه انا نسيت اقول لكم ان ده كان بيحصل زمان ...الله هوه انا ماقولتش لكم ان الزمن اتغير والحال اتغير وبقيوا سكان الغابه بيكرهوا بعض وبيحاربوا بعض مش بس فى ارزاقهم لاءه دا حتى بقيوا بيحاربوا بعض فى عمل الخير
وبصينا للحارس ووشنا اتغير
ولكن الحارس بص لنا وقال سمحونى سمحونى كان لازم اقول لكم من الاول ...كان زماااااااااان
ليست هناك تعليقات:
إرسال تعليق