رجعنا انا والشيخ سيد حوالي الساعه الواحده وجدنا في انتظارنا الشيخ حامد ودار الحديث
حامد.. حمد الله علي السلامه
سيد ..الله يسلمك
حامد.. ايه يا وفيق مالك
انا .. ابدا
حامد ..عملتوا ايه
سيد.. خلصنا الحمد لله وقام بالايماء للشيخ حامد
حامد ..اكيد
سيد.. اكيد
ثم قال الشيخ سيد انا عازمكم علي العشا
اعتذرت لهم ولكن الشيخ سيد اصر ذهبنا الي الحاتي فالشيخ سيد يهيم عشقا في اللحوم وخصوصا لحمة الرأس
دخلنا محل بسيط به خمس طولات مخصصه للطعام بالمحل وطلب الشيخ سيد ما لذ له وطاب ولنا بالمثل
وفي فترة تجهيز الطعام تكلم الشيخ سيد عن الحاله وقال لي بصراحه كده ومن غير لف ودوران انت اكيد مكشوف عنك الحجاب
حامد.. ليه ايه اللي حصل
سيد.. تصدق يا شيخ حامد لم يقرأ أيه واحده بل تكلم كلمتين في اذن الفتاه فقامت الفتاه تضحك وكأن شئ لم يحدث لها ثم قال للسيده عن ما يحيك بصدرها وأمرها ... واكمل القصه
حامد.. مش معقول يبقي كلامك صح
انا ..ايه اللي صح
سكتوا جاء الطعام اكلنا وعند الخروج وضع الشيخ سيد في جيبه نفس الجيب التي وضعت فيه السيده المبلغ المالي وهم ان يدفع الحساب اقسمت عليه بالله اني انا من سيحاسب
وانا امسك بيد الشيخ والمبلغ قدرت المبلغ ١٠٠٠ جنيه خمس ورقات فئه ٢٠٠ جنيه
حاسبت الرجل وخرجنا جن جنون سيد وقال انا من عزمت عليكم بالطعام فقلت مباشرة دون تردد انا لا اكل من مال حرام
نزلت كلماتي علي الشيخين كالصاعقه
رد سيد حرام ايه دي فلوسي
حامد.. اتق الله يا شيخ وفيق حرام ايه بس اعوذ بالله
قلت الم اتفق معكم اني لا اخذ اجر علي ما افعله وتعلمون اني قد وهبت نفسي لله في هذا الموضوع انا لا اتقاضي اجر إلا نظير عمل
قال حامد.. نعم اتفقنا
فقال سيد لم اخذ منها شئ
قلت له كذبت يا شيخ وهذا يكفي ليكون فراق بيني وبينك
حامد.. انت تنعته بالكاذب يا وفيق عليك بالبينه
قلت له احكم بيننا
حامد اوافق
قلت اسأل الشيخ
حامد.. هل اخذت مبلغ مالي يا شيخ سيد
سيد اذا كان هو مش عايز ياخد هو حر انما انا اقتطعت من وقتي وعملي وهذا حق
حامد..اخذت كام يا شيخ
سيد.. ٥٠٠ جنيه
قلت كاذب اخذ الف جنيه
جن جنون سيد وقال كيف علمت وكنت قد نزلت ولم تراني واقسم للشيخ حامد اني لم اكن موجودا ثم قال عرفت يا حامد مش قلت لك ده مخاوي جن الجن بيعرفوا كل حاجه حتي ما يدور في العقول ومعاه جن قوي ميقدرش عليه اي جن وبيغلب العفاريت بيه ولما حد بيشوفه العفريت اللي عليه بيجري من الخوف
ادركت ان كل ما حدث امامهم قد اقنعهم بأني اخاوي جن حتي ان حامد قال ايوه يا شيخ وفيق انت معاك جن مسلم عشان كده قوي
كيف اشرح لهم ان زكاء الانسان يعطيه قوه تتجاوز قوة الجن والعفاريت
ادركت باني مهزوم لا محاله فقلت لهم ايوه معايا جن مسلم ولو اخذت مبلغ من احد نظير العلاج لن يتجاوب معي ولن استطيع معالجة احد لذلك افعلوا ما يحلو لكم واذا استعصت عليكم حاله استدعوني بشرط ان تكون لله
فقالوا كما تريد يا سيدنا ومنذ ذلك الوقت ينادوني سيدنا الشيخ
في الحلقه القادمه سأحكي لكم عواقب ما أل اليه هذا الموقف
Rooka
ليست هناك تعليقات:
إرسال تعليق