🐹 انا والقطه 🐹
قصه قصيره
لقيت قطه صغننه من ٦ شهور سوده وشكلها كان غبي
اكلتها وشربتها لزقت في البيت بغره
المهم قلت لله يا عم دي روح قعدت ااكلها وصرفت عليها
كبرت وبقت عسل تتنطط وتلعب معايا وتعض ايدي وتخربش براحه
واحده معرفه دكتوره بيطري بس كانت قمر اقصد القطه شافتها وعرضت عليا ١٠٠٠٠ الاف جنيه وتاخد القطه السوده دي
انا بصراحه شكيت وتمسكت بالقطه السوده
وبعد الحاح منها قلتلها هديهالك بس تقوليلي هي غاليه ليه
قالت بصراحه نوع القطه دي نادر ودي اصل القطط في مصر القديمه
وتمنها غالي جدا
انا فرحت واخدت الفلوس وبدور علي القطه في سلقط في ملقط ملقتهاش وبعد ما غلبت لقينها مستخبيه في الدولاب و معاها ولادها ولدت القطه ٧ قطط سود صغننين
رجعت الفلوس وقلت للدكتوره بعد شهرين تعالي ابيعلك قطه ولا قطتتين
قالت والقطه الكبيره
قلتلها لا انا هاعمل المشروع ده وهسميها مزرعة القطه السوده
بعد سنه كانت عندي مزرعة قطط سوداء نادره بابيع منها كل ست شهور ٣٠٠٠٠ الف جنيه
وبقيت غني جدا وماسك في ايدي فلوس كتيييييييير
وبعدين صحيت من النوم لقتني لامم الكوڤرته ومكعورها في ايدي وفي حضني وملقتش ولا مليم
فتحت الدولاب لقيت البدل والقمصان وملابسي كلها بره
وزوجتي صحيت من النوم وقالت
غلبتني طول الليل يا راجل عمال تنكش في الدولاب وتنونو وتبسبس مالك يا ابو محمود...سلامتك يا راجل انت اتجننت يا رفيق
رفيق فتحي ابو حسن
ليست هناك تعليقات:
إرسال تعليق