طعم العسل ... كلمات الشاعر / رمضان بقشيش

طعم العسل بقى مر 
والليل ما هو ش بيمر
والصبح لسا بعيد 
عن الصبايا السمر 
...... .. ......... 
والظلم سيف ماضي 
والعدل مش راضي 
مال الميزان وانكسر 
ما تقولى ليه ياقاضي ؟؟؟
...... ....................
ياحق وانت الحق 
علم قلوبنا الحق 
لسا شعاع الأمل 
بيطل والقلب دق 
........................ 
والحق ليه بيضيع 
والشارى بقى بيبيع 
وانتى يابلدى الجميلة 
ما بقيتى للجميع !!!
.......................... .
ذل الكرامة قهر 
والفقر كسر الضهر 
وميتى العذبة 
مابقتش مليا النهر.
.............................
سكينة سرقانا 
والدنيا وخدانا 
والحزن جوانا 
ليل و مالو فجر 

بقلم /رمضان بقشيش