مكسورة المراية ... قصيدة للشاعر / عادل عبدالرازق

مكسورة المراية
--------------
يا دنيا ما كفاية
لا بداية لا نهاية
طال الطريق بينا
ما وصلنا لنهاية
يا دنيا ما كفاية
لا بداية لا نهاية
...
يا بكره يا مفارق
ورامينا في مفارق
السكًة واخدانا
وكدابة يا حقايق
مرسانا مجهولنا
وأخرتنا نساية
يا دنيا ما كفاية
لا بداية لا نهاية
...
ميلادنا كان موت
وصراخنا في سكوت
والتوهة ملاهينا
والعمر بيفوت
مهزومة أحلامنا
مكسورة يا مراية
يا دنيا ما كفاية
يا دنيا ما كفاية
***
شعر / عادل عبد الرازق