قصيدة :وحشتني يا بوي للشاعر /مجدي عزت

= وحشتني يا بوي ومر قوي فراقك...
= ده النهارده ياراجل بقوا سبع سنين...
= نفسي أبكي وأرتاح يا بوي على حجرك.
= دي الدمعه من يومها محبوسة جوا العين.....
= أطمن يا بوي الحاجة أهه مليحة وبتقرألك الفاتحة....
= وأخواتي وعيالهم كلهم كويسين.....
،،،،،،،،،،،،،،،،،،،،،،،،،،،،،،،،،،،،،،،،،،،،،
= فاكر يا بوي لما كنت أحط همومي على كتفك......
= وتقولي أجمد يا واد وشيل.. شيالين الحمول جامدين....
= وأنا سايبلك هم تقيل يا واد.. شيل وأوعاك تقول الأي.....
= وخليك كيف أبوك راجل زين....
،،،،،،،،،،،،،،،،،،،،،،،،،،،،،،،،،،،،،،،،،،،،،
= علمتني مشي الرجال وأنا لسه صغار....
= وعلمتني كيف الكلام يبقى رزين.....
= تعبت وشقيت ودرت ما خليت للرزق باب....
= علشاني وأخواتي ما نكون ف يوم محتاجين......
= كان همك نطلع نافعين ولينا مكانة بين الناس....
= ويقولوا الي خلف ما مات .. دا ولاده أهم محترمين....
= كان نفسي تكون معايا وأشكيلك م الزمان همي.....
= وتريحني زي زمان بنظرة عين....
،،،،،،،،،،،،،،،،،،،،،،،،،،،،،،،،،،،،،،،،،،،،
= دانا يا بوي شخت قبل الأوان وشيبتني الهموم......
= وقلبي مات يا بوي من الألم والحنين....
= عارف يا بوي مش بقيت أنا جد وأنا لسه صغار.....
= وحكايتي بقت مع الزمان حكايتين....
،،،،،،،،،،،،،،،،،،،،،،،،،،،،،،،،،،،،،،،،،،
= مكنتش حاسس يا بوي بتعبك ولا جرحك.....
= ولاعمري حسيت يا بوي بزعلك ولا فرحك.....
= عمرك ما شكيت ولا مليت .. وتملي تضحك بالخدين.....
= ما هوه كدا بني آدم ما يحس بالنعمة غير لما تزول منه....
= يفوق ساعتها ويشعر بالمرارة والأنين...
،،،،،،،،،،،،،،،،،،،،،،،،،،،،،،،،،،،،،،،،
= نفسي أجيلك يا بوي وأحط رأسي على دراعك......
= وأخدك ف حضني وأحضنك حضنين.....
= الحضن الأولاني لإشتياقي ليك والحضن التاني أنا أسف.......
= لتقصيري معاك وما بين الأتنين......
= أبص ف عيونك وأقولك سامحني.....
= همي تقيل يا بوي ومين يشيله مين.....
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛