مش عارف ليه ..
أنا ديما قلمي بيكتبلك
بفردلك قلبي و تمشي عليه
مش عارف ليه ...
أنا قلب إتعلق من رجليه
و بخاصم حرفي عشان أصالحك
أنا ديما منحاز لمصالحك
و بعظم قلبك باشا و بيه
مش عارف ليه ...
مش عارف ليه إنتي معاندة
ما بناقص شغل الألبندا
أنا مش محتاج إلا مساندة
ليه بتقسي عليه ؟
مش عارف ليه ...
لما أبعد قلمي بيتكسر
بجريلك رجلي بتتعسر
و بحبك لكن متأثر
بعيون الليل
عبيت الليل في علب فضه
و بلف نجوم سلوفان
أنا واحد عمره بيتقضى
و جواه عيان
أنا نفسي في نهرك أتوضى
و أتصور ليكي صور ألوان
أنا عاشق غرقان في بحورك
طب إمتي أبان
أنا عايز أكتب أغنيه
من ١٠٠ كوبليه
مش عارف ليه ...
بقلم .. مصطفي تيسير
ليست هناك تعليقات:
إرسال تعليق