رد الشاعر الجميل / رمضان محمد سليمان علي قصيدة ( مش عارف ليه ) للشاعر المبدع / مصطفي تيسير

متلخبط ليه ؟ 
والقلم الفضه اللي اتوضي من دمع عنيك صلى وقضّى مسألش عليه 
كان ماشي عليه 
القلب المخنوق من تاجه 
ولأخر نبضه ف إنتاجه 
بتخاصم وقت ما يحتاجه 
يا سعادة البيه 
مش عارف ايه ؟ 
شغل الالبنده وحاوريني 
وريتك امتى توريني 
مكسور وياريتك تبريني 
متكتف ليه ؟ 
فكرت ف ايه ؟
من بكره تغيّر مواعيدك 
وتعدل نسخة مواليدك 
وتنام وسلاحك على ايدك 
والحلم أن جالك تقضي عليه 
روحك هاتساعدك وتزيدك 
وجروحك ندبه ف تفاصيلك 
بركة أيامك مواويلك 
والدمع يفارق مناديلك 
والفرح تعيشه وتمسك فيه
...

مش عارف ليه وهاتعمل ايه
شمس الأحلام ضيّها باهت 
والفرحه اللي ف بالك تاهت 
من يوم ما رضيت تفضل ساكت 
على ظلم الحب وطول لياليه 

مش عارف ليه
مش عارف ليه
عمال بتحرفن ع المعنى 
واتمايل يمكن تسمعنا
أرجوك بحروفك متعنا
وبلاش ف الحب توقعنا 
وتعدى متسالش عليّ 
وتشوف الأشواق ف عنيا 
وتسيب جمهورك يوجعنا
طول عمر الحرف مجمعنا 
والروح بتروح لو غيبت عليه 

ومش عارف ليه ؟