الحياه الزوجية قديما ... كلمات الشاعر / سعيد عباس الضو

((الحياه الزوجيه قديما)) 

كانت حياه سعيده هادية 
كانت فيها البنت راضيه 
بالقليل والزيادة 
المهم فيه سعادة 
الولاد تضحك وتمرح 
والبنات أهى حاجه تفرح 
من يوم جالنا مستعمر وباغى 
علموها تقول دماغى 
علموها كلمه تحرر 
علموها ازاى تدور 
ع البدائل في الولادة والرضاعه 
علموها ازاى تحب 
لبسوها الميكروجيب 
علموها ازاى تسب 
علموها حاجات كتير 
حفظوها قاموس كبير 
في الشتايم والوضاعه 
كرهوها في الخمار 
خلو جسمها منه نار
قالوا دا الإسلام تخلف 
والمره فيه يدوب تخلف 
وشغالين مؤتمرات تقرف 
فى الصحافة والازاعه 
والحكومة الله يجازيها 
عامله حمله وبتداريها 
بشعارات جميله خالص 
وهى دسه السم فيها 
ولو تدقق هتلاقيها 
جايه من أمريكا طازه 
مكملتشى نص ساعة 
سعيد عباس الضو