شجرة الحروف
زرعت بذرة حب طلعت شجرة حروف
قلت فين أسم حبيبى قالو دور بين الحروف
لقيت أسامى كتيرة منها مئات وألوف
ولما شفت إسمه سقفت على الكفوف
وطرت أنا من الفرحه ودقيت على الدفوف
والجرأه دقت فى قلبى ماعرفت طعم الخوف
يالنتا ماشى من هنا تعالى طل وشوف
ودور على أسم حبيبك من بين كل الحروف
وبص عليه بسرعه خليك ديما عليه ملهوف
وأوعى تخبى أسمه وقوله عا المكشوف
وشيله ديما فى قلبك إياك تكون مكسوف
رضا حسب النبى
ليست هناك تعليقات:
إرسال تعليق