الدنيا معندانى ...بقلم الشاعر رفيق فتحى ابو حسن

يا اللي هواك مكتوب والدنيا معنداني
شكيت لقاضي الغرام جابني و وداني
روحت اشتكي من هواك طلعت انا الجاني

ياللي الهوي والحب فاكرهم كده صنعه
ترسم دموع وحكاوي بالكدب مصتنعه
مين اللي قال ان الغرام والكدب عجباني
روحت اشتكي من هواك طلعت انا الجاني

يا طير الحب يا محني القلوب خضرا
قول للحبيب انا شاري ام العيون سمرا
الناس تقول اصبر واجيبه منين
هواه بيكوي ضلوعي والدوا فين
بلاش تبيع الهوي وتروح وتنساني
روحت اشتكي من هواك طلعت انا اجاني

يا ناس هاتولي السعاده و م الحبيب بسمه
اعيش معاهم حكاية حب مبتسمه
واشكيله حالي.... واللي جرالي
ويكون جواري..... ويرضي نكون قسمه
وبلاش نداري..... سهر الليالي ويهجرني من تاني
واروح اشتكي من هواه واطلع انا الجاني
وطلعت انا الجاني