اعمل اللي عليك يا ريس
سيب الباقي كله على الله
شعب مخاوي قدر عفاريت
واللي هيمشي جنب الحيط
هنسميه انه بيهيص
لازم رأيك يوم يتقال
لو في جريدة أو في مقال
حتى على السبورة في الفصل
ما فيهاش فصل
إنت مواطن حقك جاي
لكن لازم توعي الجاي
عارف ان ولادك عاشوا
في المعاناه
عارف انك عاوز تعمل ليهم
أحلى حياه
المستقبل مش بإيديك
ولا بإيدية
عارف لازم تعمل إيه
جمع فيهم قول يا ولاد
حبوا وطنكم بالأمجاد
احموا العلم الذايع صيته
في الحكايات
ألف حكاية بتسبق لونه
يدن يومه ألف أدان
وقت صلاتك قول يا رحيم
ده وصلناله كله منين
يمكن كان من صنع إيدينا
صنع إيديكم هيورينا
إن بلادنا ترابها وطين
راح تتاقل بالملايين
والخير فيها اشكال والوان
بس عن الوعي غايبين
مش سامعين؟
بره اصوات وهتاف ملايين
سامع تحيا مصر لفين؟
سامع صوت الجيش الصامد
بيحييهم وبيحييهم وبيدعيهم
إن يكونوا يد أمينه
بيرسونا على سفينة
ما فيهاش مساكين
إحنا فداكي يا بلدي غالية
إنتوا براعم حاضر داعم
طول ما إيديكوا متشابكين
مش هتأثر فينا الفرقة
الأعداء رايحين جايين
واحنا الواحد فينا بمية
لقمة هنية
ما انتاش واخد بالك إنك
تبقى فريد عصرك وأوانك
واخد بالك؟
صوت المدفع هز جبال
طولة البال
وهتتنفذ كل آمالك
لكن إوعي ف يوم يحلالك
شكل النصر اللي بيحتال
عيش بحلالك
قول انك هتسيب في الحال
اللي جمعته يوم..؟ لعيالك
الهام شرف
ليست هناك تعليقات:
إرسال تعليق