وساعات حكايات م اﻷول
وآخرها آهات
يتبسم قلبي بتباشير الشوق
وبيرسم حدوتة عمري
وكأني ف وسط التفاصيل بتعلم
ما انا طفل برىء
لو كنت جرىء ؟
وجريت على صفحة أحلامي
برسمها بقلمي ف كراستي
وبمد الكف
على كتفي بشيل كل حمولها
وبوزع منها بحنية على كل حبايبي
فبحس برفض
حبة أحزان تعمل في عمايلها بجد
عمال تتفرج يا زمان
وتبعتر في رصيف القسوة بل أي مكان
كل ما كان باقي
طب هرسم حبة لأشواقي يمكن تتحمل
وهحب الدنيا
وهعاند كل اﻷحزان
وانا عندي سؤال
ليه كل ما يوصل قلبي لبر أمان
بلاقيني أوام متقيد
واللي مقيدني كمان ضلي؟
يا شبح أوهام
ما ترد أوام
الموج كان عالي يشيل ويحط بدون رحمة
وأنا تهت في زحمة أي كلام
متاهات بتبرر أي غلط في الحكايات
ليست هناك تعليقات:
إرسال تعليق