قلم كحلة
*********
حضن الشمس في رموشها
وحد الكحل بينور
سحر عنيها بالإشعاع
يصيب قلبي كما الرعشة
في عز البرد للعريان
قمر سابح في نن العين
بنار وجدانها بيوزع
حالات دهشة على القاعدين
يطل شمال يطل يمين
وناحية عيني ميطلش
عشان عيني ماهيش شايفاه
بتنقل دايما الصورة لنن القلب
فتثبت فيه متتهزش
ويبدأ نبضي في التحليل
يشوف كل العجب فيها
مجرة وشها الساحر
نار الشمس مش فيها
ودايمه الشعلة براها
في وجدان اللي شاف عينها
وقال مش ذنبها انه صبح والع
وإيه الدافع
تفكر في أحتلال عازف
على وتر الآلات جملة
وسادد ودنه عن ألحان
وحتي قلبها مرضيش
يعيش وحده الأمل في هواه
فاخد قلبي يعيش وياه
ودي مش بس اوصافها
قريت علم الفلك فيها
فاخفت أتوه
قلم كحلتها خد قلبي
وطار لهواه
يا خوفي يطير في يوم عقلي
وأقول ليلاه
**********
قلم / علاء الدين علي
ليست هناك تعليقات:
إرسال تعليق