قلبك خان /غنائية *************** بقلمي / إبراهيم فهمي المحامي

فاكر لما قابلتك مرة وقلت بحبك ؟
فاكر لما عينيك حضنوني وقالوا بحبك؟
كانت كل الدنيا ساعتها عندي ف قلبك
رقصت فرحة كبيرة ف قلبي وسكنت جنبك
ليه دلوقتي بتبعد عني وتنسى كلامك؟
ومفيش أي رسالة تجيني إلا خصامك؟
حتى ملامحى نسيتها خلاص وانا قدامك
ليه غيرت السكة ما بينا بقت طريقين؟
أصحى وانام وانا قلبي بيسأل قلبك فين؟
هو الحب ف شرعك لحظة وتنسى قوام؟
والأحلام اللي حلمناها تصير أوهام؟
انا لو أعرف حبك ليا هيبقى سراب
وإن الحب هيبقى ما بينا لوم وعتاب
كنت عملت ما بيني وبينك مليون باب
إزاي قلبك ينسى مشاعري ويلعب بيها ؟
وانا لملمت الفرحة ف قلبي وليك بهديها؟
بيع وانا برضو هبيع ف مشاعرك مش ههواك
وإذا كان قلبي يحن ف مرة أقدر أنساك
إوعى ف مرة تفكر إني أترجاك ‘‘‘‘‘