***************
وف النهاية بنفترق
من بعد لهفة أو اشتياق
سكتك دي سكة تانية
صعب يجمعنا اللقاء
انت حلم وفرحة غايبة
انت حظ ملوش بقاء
عاوز افرح جيت لبابك
وانت فرحك له اشتهاء
انت غنوة معشتهاش
انت معنى لحاء وباء
آه لو اقدر اطير بقلبي
واخطفك من غير عناء
كنت خدتك جوه قلبي
يللي حبك كان ضياء
بس يا خسارة الأماني
جايه عاجزة عن البقاء
جايه ناقصه الحلم يبقى
جايه ومعاها الفناء
نفسي يوم الفرحة تيجي
تحضن الأيام معايا
وامسك الأحلام بإيدي
والتقي نفسي ف صبايا
واكتب الأيام بإسمك
تسبح الصورة ف دمايا
نبني عش ف حضن شاطئ
نبتدي رسم الحكايه
الأمل يبقى ف طريقنا
نور بيضوي للنهايه
نكتب الحرف بقلوبنا
والمداد م القلب غاية
حتى موج البحر لينا
وشوشة وكلام وصاية
لو تعبنا ف يوم نلاقى
حبنا مسح الشكايه
كل ده ف القلب لكن
الأمل غاب ع الحكايه ؛؛؛؛؛؛؛
بقلمي / إبراهيم فهمي المحامي
ليست هناك تعليقات:
إرسال تعليق