حكم الفراق .... كلمات الأستاذة / مروة جبريل

قصيدة "حُكم الفراق "
للشاعره / مروه جبريل
..
الوضع الراهن ف حياتک
حكم عليک بفراق ملوش إنذار
برغم النص والاشعار ， خلاص سابت
برغم الحب والطيبه
مهواش يعني ازمه ان سبت
هيفرق ايه لو اتمسكت
فراقكو دا موجه وانزاحت
راحت معاها رسوماتكو
سنين الباقيه ف حياتكو
اهي ارتاحت
كفايه ي ريت متكملش
معافره فشئ محال امره
وحتي النور خلص عمره
والعتمه صابت شمعتک ياللي
بكيت وقلت ي ريت تخلي， طيفک ونس ليا
انا بيكي بكون عايش
انا يمكن ولد طايش ， بس حبيتک
 بكدب لو قلت انا نسيتک
ليه قررتي تنسيني
كفايه غياب انا مش حمل لقسيه

ولا قلبي عاد يستحمل الجيات
هفوت طريق الحب دا لإنه，بيقتل تاني ف الاموات
عدد مرات تجريحک متتعدش
وانا قلبي مبيصدش
وجع منک

كفايه ضحكه خداعه
بموت وعقرب الساعه
سيف وحده كان جارح
مشيت طريق كده وسارح
ولا عارفني برحل ليه..
ولا اعلم لفين رايح

ازاي قدرت أتصدق ..

وليه الناس بتصدق؟
ومش شايفه الوجع جواک
هو انت يعني مين قساگ
سوى عيونهم
خلاص بزياده اهي غابت
وسابت فيک ميت مخرج
كفيل يستنزف الباقي
ولو لاقي كلام يوصف وجع اكبر
حقيقي ياريت ， متكملش
تعلي ضحكتک وتزيد
دموع عينيك من اللمعه
كداب وتقول دا من ضحكي .. ف متمثلش
..
#مروه_جبريل