رحيل ... كلمات الأستاذ / عاطف محمد الطويل

قصيدة "رحيــل"
بقلم /عاطف محمد الطويل
"عاميه"

نبدأ باسم اللي خَلق
 باسم القلب اللي اتفلق
رحيلك يا ابويا موِّتني
وزاد غيابك كتير عني
احاسيس فراقك قتلتني
ليل بُكايا بيغني
وايه يابا فاضل ابكي
ابكي علي غدر الزمان
ابكي علي لحظة امان
....
قبل رحيلك كنت عايش
كنت عايش
بحر حنانك غارق فيه
بعد هجرك ضهري اتقطم
وتملي ف همي بايش
عرفت اي معني السند
اني بدونك ورا الهامش
قلبي ينادي واشواقي
تتمني تحضن لو لمره
حضنك الدافي وف عناقي
........
ابنك العاشق مشتاق
ابنك مل من الفراق
عاشق لريحة ابوه
فين الحضن دِلوه
ريحه وفا
قلب ودفا
اه لو ترجع للحظه
كنت ابوسك من عينيك
كنت ادوب بين ايديك
بس اللي راح من الحب راح
والي فاضل سنبن جراح
سنين جراح 💔
#همسات
عاطف محمد الطويل