هي أم لكل مصري ... كلمات الشاعر / سعيد عباس الضو

هى أم لكل مصري 
وهى برضه تبقى أمى 
حبها عايش وحصرى 
ف الوريد ويضخه دمى 
هى مش أرض وخلاص 
فيها هدمه وكام مداس
هى عشقى في الاساس
ناس كتير عاشوا عليها
اكلوا خيرها ماحسوا بيها
طبطبت ياما عليهم
هما خونوا وباعوا فيها
الدمعه تنزل من عنيها
تروى فدان ف الصحارى
يطرح القمح في ثوانى
تأكل إنت ولا انت دارى
ياللى بعت مصر فووق
الحياه ماهى حبه
تحت وحبه فوق
ليه تمللى تحب تاخد
ليه تمللى الناس ب تتعب
وعايز إنت تبقى فايز
وقت الشده تجرى تهرب
تحصد إنت ف الجوايز
إحنا شيلنا هموم زمان
إحنا اللى جبنالها الأمان
انتوا ليل أسود كئيب
إحنا شعاع ساعه شروق
إحنا وقفنا الطلقه بصدورنا
لما انتوا اتداريتوا ف الشقوق
إحنا بكره وبعد بكره وبعد بعده
انتوا ماضى لازم يموت
سعيد عباس الضو