لسّه ... قصيدة للشاعر المبدع/ مصطفى فريد

لسه
من ديوان/ وراح الخوف
للشاعر  / مصطفى فريد

تعبنا م الأسئلة 
وزهقنا م البصّه
وغباوة الاجوبه
كشفت لنا المسألة
من أول القصة
ماهى طايفة مندسه
معجونه بالخسه
من دمنا ماصه
كان عامة أو خاصة
الحلق فيه غصة
بالخلق مش حاسه
جوة الميدان جثه
مرصوصة ميت رصه
وإن جيت فى تسأل
عدل الحقوق امتى
تلقى الجواب لسه
وحكومة مش ناويه
ولا حتى بالنيه
تبص يوم بصه
على شعب له بصمه
على أى شرعيه
يا ناس يا أغبيا
إجابة السؤال هى
دايما تكون لسه
 ماسكة فى ديل لسه