كان جوايا بيصرخ!!!!!!
شاخ الحزن وشاب قبل أوانه
حتى استشيخ ووصل جوه القلب بدون تأشيرة
قلت أغمض عيني شوية
عن حكايات الماضي اللي استفحل بيها الحاضر
حاضر عهدي وداب م اﻷول
من عامنول كنت أميرة
تحضر ليها كل كاسات الفرح
اللي يقدم فيها أمير
والحساد كانوا كتير
حتى مشايخ حارة أمي يدوا نصيحة لكل غفير
ويغنوها بناي ممسوك للعصافير
كتبوا قصيدة كان بدايتها إن حلاوة قلبي ده شىء مش لاقيين له حتى مثيل
وان الضحكة جوه شفايف ترسم حب من حواليها
جاني الخوف لما الوصف يزيد قدامي
هو منامي اللي بيتفسر من أحلامي
وهو القدر النازف دم على أحوالي
وهي الايد اللي بتتمد ف عز الليل
تخطف مني أحلى ما جاني
واستسلمت
ولقيت نفسي بتوه في حياه جوه حياه مالهاش حد
جزر ومد
يومها لقيتني بودع كل آمالي
وشاورت إيدي عاﻷيام
قايلة :سلام
ليست هناك تعليقات:
إرسال تعليق