جريدة القلم الفصيح

قصيدة " مَـدينة جـوّه الـروح "
للشاعره / شـيمـاء علـي

غَمضّت عيني وشوُفْتِني بضْحَك
ف جِرْيت شوارع فيّا م الفرحه
و سَــألِتني .....
إزاي ف كل وريد بلقىٰ معاك ذِكرىٰ؟
لحظة خدودي ما تتكِسِف منّك
لمّا عيونك تحضُن الطرحَه

كات الساعات بِتفوت
والعُمر ما بيمشيش
كان بِنّا حُب زمان
والحُب حقه يعيش
وزرعته جِوايا
بحكي لِنفسي اد ايه حَبيت
وازاي جعلتك بيت
وازاي بَنيت الحِلم ويايا..!

مَديت خَطاوي الفرحه لِوصالك
وسحبت حبل الوِصل للترحال
كَف اللُقا يا حبيبي مَدْ إيديه
جيت اسألك بالنبْض
" كيــف الحَــال"!

عدِّت سِحابه تايهه م الايام
شايفاني تايهه وبحضُنَك قُدام
على أول الشُريان
صَبِّتْ عليّا دمعة السَجان
لمّا بيلقى جوه سِجْنُه برئ
ومكَلبِشُه بالطوق
بصيت لفوق..
فلاقِتْني وقفه بعاتِب الضَلمه

من حِلم تايه ف الفَضا
ونسيت بإني مغمضه

#شيمـــاء_علـــي