حبك همس
من ديوان/ ضى نهار
للشاعر / مصطفى فريد
على خد النهار مكتوب
حروف اسمك بلون الشمس
خيوط بتقول أنا المحبوب
أنا العاشق لحبك همس
أنا المرتاح على صدرك
يا عشق القلب بكره وأمس
انا الخاطب سنين ودك
انا المشتاق حنين حضنك
ماهو انتى توأمة روحى
ونبض القلب من نبضك
يا أغلى من سنين عمرى
تهون الدنيا من بعدك
سنين بتفوت وراها سنين
وحبك في بزياده
يزيد جوايا شوق وحنين
يزرع قوة وإرادة
يا قبلة حج للعاشقين
وسبحة نور وسجادة
ليست هناك تعليقات:
إرسال تعليق