عنيكى
من ديوان/ ضى نهار
للشاعر/ مصطفى فريد
عنيكى ٠٠٠
ليه فى لون البحر
واللا البحر غار منهم
وخد عنهم جمال السحر
وشف من العيون لونهم
بياضهم عذب زى النهر
ورمش كحيل مزينهم
بيتحكم فى كام مليار
سهام قتالة زى النار
ساعات صوتها بحنان
يبكى
وتمطر لولى مع مرجان
ساعات بركان
بدون إنذار
يشد قلوب محبينهم
وانا منهم
قتيل فيهم لطول الدهر
وطول عمرى باغنيهم
واغنى لهم
ووشم طبعته فوق رمشى
مافيش غيرهم بيدخلنى
ولا باعشق عيون غيرهم
ليست هناك تعليقات:
إرسال تعليق