الناس تحب غزال
وعشقت دبدوبة
تمشى بكل دلال
و شايله أنبوبة
مشيت معاها ف يوم
قفشنى ظابط مرور
طلب الرخص فى الحال
والرخصة مسحوبة
رد عليَّ وقال
والحلوة تبقى منين
أنا قلت م النوبة
والإسم يطلع إيه
قلت اسمها زوبة
بسرعه قااال امشى
مش عاوز اشوف وشك
إنت الغرام بهدلك
والقلب بيغشك
وديها للجزار
لا تهدلك عشك
دى عامله زى الفيل
وكمان لسانها طويل
واقفه كما البرميل
فى القسم مطلوبة
أنا قلت ماشى يا بيه
يلا خلاص ما شيين
ومن الغرام توبة
روحنا تانى البيت
ظهرت كما العفريت
حَدفتنى ب الطوبه
فتحت دماغى يا ناس
و نجيت ب أعجوبه
بتقول عليه ايه
وترد عنى ليه
انا برضه لهْلوبه
قولُولى اعمل ايه
الحب زى القدر
والرحمه مطلوبة .
......صلاح فضل
......منيا القمح ٢٠١٨/٩/١٣
ليست هناك تعليقات:
إرسال تعليق