بحب الموت
من ديوان / بيحسدوك على إيه
للشاعر / مصطفى فريد
بحب الموت
ومش خايف
مادام شايف
حياتى هناك
ربيع أحسن
من إللى أنا فيه
نسيم وهدوء
وشمس شروق
ساكنة فى السما
على طول
وكل جيرانى قدامى
مافيش حاقد
ولا مغرور
بحب الموت
ومن غير صوت
باغنى له
واقول له كتير
أنا بعشق لقاك قرب
حبايبى بجد وحشونى
هناك شايف
براح الروح
بتسبح فى سما الملكوت
ورب كريم
بخلقة عليم
رحيم والكل عباده
يبقى الخوف
ها يجى منين
مادام راجعين لأعتابه
ليست هناك تعليقات:
إرسال تعليق