الشعر مراية الوجع
الشاعره / اميره العوضي
الشعر مرايه الوجع
بيطلع في شكل بنت جميله
أو طفل بيضحك أو يبكي
مش فارقه
اسمحولنا المره دي
نخرج عن النص
من غير تزويق ومجامله
من غير ما نطبطب ع الجرح
الوجع ده وهم
مفيش حاجة اسمها جرح
الشعرا بس حفظوا النص
عارفين ان الوجع شبح
بس برده بيكتبوه
هاتلى شاعر مكتبش عنه
وابدع في النص
النص خادع
مره يضحكنا
ومره يبكينا
مبقناش عارفين
الشعر معانا ولا علينا
صديقي العزيز الوجع
مش قصدي أنكر حقيقتك
واطلع انا الجدع
أنا لما جيت اكتب
مكنش قصدي أكتبلك
انا كنت باديء القصيده
بكلام عن حب الوطن
نمت وصحيت
لقيتني باديء
القصيده بالوجع 💔
ليست هناك تعليقات:
إرسال تعليق