قصيدة
حلم الكادر
يا اللى بتحلم بالكادر ..............خلى حلمك معقول
بتحلم بالكباب والكفتة خليك فى البصل والفول
عيبك انك بتصدق..... كلام الحكومة المعسول
من امتى يا صديقى القاتل بيسمى عالمقتول
**************************************
فرحت لما لقيت ............التجار لك بتتودد
بعت العفش القديم...... وبالشكك بتجدد
بكرة الديانة تشتكى.. والجلسة تتحدد
وانت فى الحديد مكلبش
والولية وراك بتعدد
*****************************
الكادر ولادته متعسرة.... ومفيش طبيب ولاداية
الفاتحة على روحه وادعوا لاهله بالصبر والهداية
اسمع كلامى ومد رجليك .......على قد الملاية
صدقنى عمر الكتاكيت ماعطفت عليها حداية
***************************
قلت اصبحنا اغنياء .........بطرق مشروعة
من اليوم لا دروس خصوصية ولا مجموعة
بكرة لما تلاقى القضايا .......عليك مرفوعة
هتلعن وسائل الاعلام المقرؤة والمسموعة
*************************
حسين.الوردانى.المنصورية
اسوان.ا.مصر
ليست هناك تعليقات:
إرسال تعليق