عبد العليم ابو عبده
كان زمان
----------
الحب بالباع والدراع
كان بصدغ لفت
رغم ان العيشه زفت
او بباكو نعناع
والعيل يقابل البت
ويكلمها ويغنيلها
لما يجيلها صداع
ومن غير كبت
يحكيلها عن اللى
جواه من صراع
وهيه تهواه
وتعشق شقاه
وقلة المتاع
وبشرف وعفه
هوه شايفها
تنفع ام لعياله
لما تبقى حلاله
والعمر لحبها جاع
لابترقص التت
ولا عامله ست
ولاتعرف النت
ولا شرفها ف المعاكسه ضاع
هيه اخرها الفول
ورغيف مقدد مبلول
ما سمعتش عن المحمول
وعيون غزلانى
وشفايف حمره ربانى
وبترضى بالمعقول
وجوازها يبقى ف البلد سيره
زغاريد وعيد وهيه اميره
ونروح بيت الحبيب
لافراوله ولا زبيب
ولاترضى انها تخيب
والسعد لجوزها تجيب
هوه دا الحب
اللى جوه الفلب
ومفيش وياه ضياع
-----------
الشاعر \\ عبد العليم ابو عبده
كلماتى ومسجله باسمى
جريده/شعريه,ثقافيه,أدبيه,فنيه,متنوعه
الثلاثاء، 1 يناير 2019
كان زمان..للشاعر/عبد العليم ابو عبده
الاشتراك في:
تعليقات الرسالة (Atom)
ليست هناك تعليقات:
إرسال تعليق