الكاتبة / غادة الصفائي
وزي كل يوم بيمر بتفاصيله الكثير ومشاكله ..
يجري الوقت بسرعة ومنلحقش نتلم علي نفسنا غير في آخر اليوم ..
ونحاول نتوه في العالم بتاعنا ولو ساعه لوحدنا لحد م النوم يغلبنا ونصحي تاني يوم ....
مش ده المهم ... !!!!
اللي بيخنق بجد لو النوم هرب منك وعقلك استرجع اليوم بتفاصيله .. واليوم يجيب اللي قبله لحد ما تقف عند اللحظة أو المشكلة اللي انت عمال تهرب منها ...
ويمتلكك الخوف وصوت دقات قلبك بتعلي .... وتحس أن روحك بتطلع ....
وتخاف من النوم ... وتخاف بكرا ييجي ... وتخاف عينيك تغمض ... وتفضل سهران وبتفكر ... وتروح وتيجي .... وتتقلب علي سريرك ... أو راسك تطل من شباك أوضتك أنت والسكون والليل،، ويمكن نور القمر لحد ما نور الصبح يظهر .....
بنهرب من أيه وليه ولحد امتي هنفضل كدا .....
من كتر اللي مريت بيه في حياتك عرفت وآمنت أن اللي فينا ده ميتسماش غير ضعف ... !!
ربك اللي خلقني وخلقك بيحاسبني ويحاسبك علي النهارده وبس .. علي نفسك اللي طلع منك مش اللي لسه هيطلع منك ... يبقي تفكر في بكرا و رزق بكرا ليه وهو لسه مجاش .. !!
فكر كدا في اللي فات من عمرك وانت تشوف كام مرة اتريقت علي حزن فاتك ولو محصلش صدقني هييجي يوم وتعرف ان اللي فاتك مكنش فيه اي خير ليك ...
المشكلة الأكبر أننا نسينا او متعلمناش .. أو اللي كان المفروض يعلمونا بقوا يسيبونا نعرف لوحدنا ... محدش علمنا ان الاستغفار الكثير مفتاح لكل مشاكلنا ....
إن الرزق بايد ربنا مش بايد بشر وان الدنيا كلها لو اجتمعت عليك علشان تضرك وربنا كاتبلك الخير محدش هيقدر يضرك والعكس صحيح ..!!
محدش علمنا ان الدين بيقول نتوكل علي الله ونعمل اللي علينا منخافش من بكرا ....
محدش علمنا انه دين ود ودين حب ومفيش حاجة فيه قالت نكره او نخاصم او نخون ....
محدش علمنا ...
أو اتعلمنا ونسينا ...
ومحدش فينا بقي يفتكر ..
سيبها علي الله ... بس أعمل انت اللي عليك صح ..!!
#Ghada_Elsafaey 🖋🖤
وزي كل يوم بيمر بتفاصيله الكثير ومشاكله ..
يجري الوقت بسرعة ومنلحقش نتلم علي نفسنا غير في آخر اليوم ..
ونحاول نتوه في العالم بتاعنا ولو ساعه لوحدنا لحد م النوم يغلبنا ونصحي تاني يوم ....
مش ده المهم ... !!!!
اللي بيخنق بجد لو النوم هرب منك وعقلك استرجع اليوم بتفاصيله .. واليوم يجيب اللي قبله لحد ما تقف عند اللحظة أو المشكلة اللي انت عمال تهرب منها ...
ويمتلكك الخوف وصوت دقات قلبك بتعلي .... وتحس أن روحك بتطلع ....
وتخاف من النوم ... وتخاف بكرا ييجي ... وتخاف عينيك تغمض ... وتفضل سهران وبتفكر ... وتروح وتيجي .... وتتقلب علي سريرك ... أو راسك تطل من شباك أوضتك أنت والسكون والليل،، ويمكن نور القمر لحد ما نور الصبح يظهر .....
بنهرب من أيه وليه ولحد امتي هنفضل كدا .....
من كتر اللي مريت بيه في حياتك عرفت وآمنت أن اللي فينا ده ميتسماش غير ضعف ... !!
ربك اللي خلقني وخلقك بيحاسبني ويحاسبك علي النهارده وبس .. علي نفسك اللي طلع منك مش اللي لسه هيطلع منك ... يبقي تفكر في بكرا و رزق بكرا ليه وهو لسه مجاش .. !!
فكر كدا في اللي فات من عمرك وانت تشوف كام مرة اتريقت علي حزن فاتك ولو محصلش صدقني هييجي يوم وتعرف ان اللي فاتك مكنش فيه اي خير ليك ...
المشكلة الأكبر أننا نسينا او متعلمناش .. أو اللي كان المفروض يعلمونا بقوا يسيبونا نعرف لوحدنا ... محدش علمنا ان الاستغفار الكثير مفتاح لكل مشاكلنا ....
إن الرزق بايد ربنا مش بايد بشر وان الدنيا كلها لو اجتمعت عليك علشان تضرك وربنا كاتبلك الخير محدش هيقدر يضرك والعكس صحيح ..!!
محدش علمنا ان الدين بيقول نتوكل علي الله ونعمل اللي علينا منخافش من بكرا ....
محدش علمنا انه دين ود ودين حب ومفيش حاجة فيه قالت نكره او نخاصم او نخون ....
محدش علمنا ...
أو اتعلمنا ونسينا ...
ومحدش فينا بقي يفتكر ..
سيبها علي الله ... بس أعمل انت اللي عليك صح ..!!
#Ghada_Elsafaey 🖋🖤
حلووه بغباء ..بتمثلنا اويي استمري ي جميله ابدعتي بجد 💛🌻
ردحذفتسلميلي.. حاضر 😊😍
حذفالله بجد معبر اوي نصگ اخدني 💜
ردحذف♥♥😊
حذف