مشوار السنين
،،،،،،،،،،،،،،،
ماشي في ضل الصبر
تايهه مِنّي الخطاوي
طعم الحياة بقى مُر
والآهه صبحت غناوي
رايحة يا سكّة لفين
والضي فيكِ كسيح ؟
كل البشر وشّين
الغدر زي الريح
ماشي ما لاقي أمل
والعمر ولّى وضلع
عُمر القمر ما اكتمل
ولا المركبة بشراع
هرم الحياة مقلوب
والناس في سيرك كبير
عايشين من غير قلوب
للهَم كلّه أسير
منين أجيب جناحين
واطير لحد الشمس ؟
أبعد عن الطواحين
والمطرقة والحبس
الكل بقى جلاّد
والطبع كله خسيس
وانا لو هجرت البلاد
تحجزني المتاريس ##
بقلم / إبراهيم فهمي المحامي
31/10/2019
ليست هناك تعليقات:
إرسال تعليق