مفيش عجب ف الحب
..................................
والله أمره عجيب
فى بعده يبقى المرض
ويبان عليك العرض
وبنظره منه تطيب
مش قلنا أمره عجيب
روحك ف ثانية تفارقك
وف لحظة تانية تعاركك
وبلمسه منه تسيب
مش قلنا أمره عجيب
فى القرب جرح ونار
وفراقه مر مرار
وبكلمة لطيفه منه
كل الجراح بطيب
ياعمى أمره عجيب
تحضرله ألف كلمه
سكينة الحب تلمه
تلقى الكلام بيطير
وإيديه تقولش حرير
والله الى جاى كتيىر
دى بوسه لكف أيده
دا حبيبى اصله أمير
لجبينه ببوسه تانيه
فى هواه تشم عبير
وف حضن دافى ينام
وبريش حمام ونعام
يتغطى دا حبيببى
ومفيش عجب فى الحب
دا الكل فيه بيطب
...................................
تحياتى....بقلم عمر جميل
ليست هناك تعليقات:
إرسال تعليق