عـوًَاد..وصبيًَه.للشاعر /أحمد عفيفي

/ عـوًَاد..وصبيًَه!! /

************

الواد عوًاد بيحب اللًَمه

ويفرح لمًا يقول مزيكا

بيضرب سيكا ورصد/

ونهاوند

وشاف ع البُعـد صبيـه/

بتندهله

فمشى على مهله عشان/

تضايق.. وتسيبه ف حاله

قلبه حزين مجروح/

مش رايـق

كلًِم روحه:ازًاى تندهلى/

لا شكلى وسيم ولا عندى/

أراضى

انا واد عوًاد , وبلف بلاد

والعود والريشه بقُم زادى

وزمانى الماضى خلاص/

بقى بحً

وشُح الدهر نشع ف فـؤادى

البت صبيه وحلوه ياهووو

شبطت ف العود وقالتله/

تعالى ح اجيبلك شاى وكمان

راح اجيب دُخان

لاجلن تعزفلى كلام مفهوش/

احزان

وتقول مـوًال يعطينى الهمًـه

*

ابتسمت بعنيها وغمزت له ا

قالتله ايًاك بتخاف م الضلمه

الواد بقى ماشى يكلم روحه

يقول خبًينى ف حُضنك يامًه

البت حليوه وليها احوال

هزتنى وفطرت قلبى بأحزانها

جاول يسألها وقال وانا مالى

انا قلبى جريح ومحدًش خالى

البت عنيها من الدمع احمرًت /

بصت له بنظرة شوق واتمنت

قلبه ضعيف قُدًام الدمع

ادًاها السمع وروحه اتغمًت

قال ياصبيه , فهمت , وشايف

وانا خايف من غدر الدنيا

انا واد عواد ومعنديش ديًـه

قالتله بلاش تأسى , انا انسيه

انا قلبى غواك وح اروح ويًاك

ونغنى لحدً الصبحيه

البت عفيًه وحلوه ياناس

ومعدش مناص وقعُم ف الخيًه!!

**************

الشاعر/أحمد عفيفى