قصيدة / علاء الدين
انا بالنسبة لك مش اكتر
غير بس يادوب مصباح أحلام
تتمنى وتحكي تقول نفسي
تتحقق زي ما قلت تمااام
وتفتح عين وتكون مبهور
على واقع أجمل م الاوهاام
حققت كتير من أحلامك
وسبقت الوقت سنين قدام
ونسيتني ف وسط احتياجاتك
يا علاء الدين بعتني وبكاام
ب خروجة وفسحة وغمزة عين
وكلام معسول مع شبك ايدين
ولا بتسبيلة على حضنين
ونسيت ياسمين يا علاء الدين
طب كنت يا راجل سد الدين
وترد لي حقي يا روح ياسمين
واتجوز حتى ان شالله ميتين
جاك ضربة ف قلبك يا ابو وشين
جبت النقصان ده يا حلو منين
ده انا علشانك بعت القيراطين
واديتك من الألوفات عشرين
انا داعية عليك الدنيا تدور
واكيد هتدور يا عايش مغرور
تسود ما تلقى طاقة نوور
يا خسارة العشرة يا بني ادميين
ده علاء الدين اهو باع ياسمين
✍🏻 هدى سيد
ليست هناك تعليقات:
إرسال تعليق