ذكريات
.........................
قلبى اللى عايش بالامل
حدوته ناعمه
جوه حلم عيال بتجري
تسبق الفرحه فى عينهم
ترسم الحلم وتزرعه
جوه منهم
طيبة القلب الى فيهم
والبراءة اللى فى عيونهم
عصافير ولسه صغيره
عزفوا المحبه.........
غنوه طالعه من القلوب
بيغموا عين الشمس
بخفة دمهم
ويناموا فوق سطح القمر
لما التعب يتملك منهم
القلب أبيض والضحكه صافيه
بلون السما
بحضن حنينى لسنين سابتنى
من زمن
لعيال بتشب تطلع م الارض
تزرع فتافيت الفرحه تقيد
قناديل فى وشوش بتبوح بالصدق
لسانى بعيش على ذكرى الحلم
الساكن جوه حبابى الروح
افتح شبابيك القلب وابص
القانى هناك بدندن مع روحى
حكاوى زمان
على شحاتة سليم
ليست هناك تعليقات:
إرسال تعليق