بطلنا نحلم
أحلم بكام والحلم غالي
كنا بنحلم
وياما سهرنا الليالي
نحكي ونتكلم
كنت عايش فى خيالي
صبحت أبكم
لما الكل بقي يلالي
والمال مصمم
حالف ليهرب من جيوبي
تاجر مابيرحم
مالغلا رممت توبي
صباح مظلم
ظلامو دارى عيوبي
منايا احلم
رحت لتاجر الأحلام
أيوه مصمم
بس هشتري الحلم بكام
رجعت تاني حسيت بالندم
أنا لا أملك سوى الآلام
حظ مجرم
سلط عليا الأيام
بوزها أبرم
كل يوم أربط حزام
الجنيه ضحى وسلم
ريح دماغه مالغلا ونام
وانت ناوي برده تحلم
بكره راح يغلا السلام
(((أسامه جديانه)))
ليست هناك تعليقات:
إرسال تعليق