آه يا بشر
...
آه يا بشر غرقانين ف المصالح
ملقيتش فيكم حد صالح
كدب وخداع .. ما هيَّ لعبة من البداية ...
زي الكراسي تغيير مطارح
البس قناع وباقتناع
ماهي مسرحية
وانت نجم علي المسارح
لما تكون الحاجة عندي
ابقي الحبيب ... !
وابقي الكبير ... !
دي ناس غريبة زي الأفاعي
تلدغ في ثانية كل القريب !
ماتت قلوبهم من زمان ...
ولا حتي بيعيش فيهم ضمير ... !
آه يا بشر مفيش ف قلبه غير شرور
بكام تلف وبكام تدور ؟
بكام تحب وتوفي بجد وبكام تغور ؟
... بكام تبيع عِشرة سنين ...
... وتقتل يايدك كل الحنين ...
بكام تعيش دايما في ضلمة
وبكام يكون النور سجين ؟
آآآآه يا بشر !!!!!
...
وليد المصري
ليست هناك تعليقات:
إرسال تعليق