مش مستنى حنان من حد
ولا مستنى منك رد
يا اللى بنيتى بصدك بينا
مليون حيطه ومليون سد
قلبى اتعود يبعد عنك
قلبى اتعود ع الحرمان
يا اللى ف يوم القلب ما همك
علمتى قلبى النسيان
سوقى العند معانا براحتيك
واخنقى قلبى وروحى براحتك
م احنا عرفنا خلاص أخرتها
مش بيهمك غير مصلحتك
عمرى ما شوفت حنان ف عينيكى
يا اللى تملى بتغدر بينا
ولا حسيت بأمان ف ايديكى
ولا بشعاع الهوى يهدينا
أوعى ف يوم تترجى قلوبنا
أوعى تقولى ف الهوى دوبنا
اللى اتعود يهجر حبه
عمره ف يوم ما ها يبقى حبيبنا
رضا ابو الغيط
ليست هناك تعليقات:
إرسال تعليق