بتقولى لأ على ايه بقلم الشاعر رضا أبو الغيط

بتقولى لأ على ايه
سايقه ف دلالك ليه
بتخبى ليه الهوى
وعليا ليه تداريه
د الحُب بين قلبين
مكتوب على العاشقين
مهما تدارى الغرام
بان الهيام ف العين
خلى بيبان الهوى
مفتوحه ما بينا
د الحُب هو الدوا
وهو اللى باقيلنا
يا اللى ملكتى قلبنا
ها ندارى ليه على بعضنا
قولى الحقيقه وافرحى
واروى بحنانك حبنا
لا الحب عيب ولا معصيه
ولا هو فعل الأشقيه
الحُب حق وع القلوب
تتنفسه ف الأوديه
رضا أبو الغيط