عتاب بلا أمل: بقلم الشاعر محمد الأخرس

عتاب بلا أمل:

إكره في نفسك
وإحنا كمان..
إكرهنا ياللا..بالقوي..
إكره كمان..إكره
مكانك..والزمان
إكره قوي..إكره كمان
في كل حاجة
تفكرك..إن إنت
كان..أصلك إنسان
يمكن تحس
إنك بشر..من
بعد ما..ربك
خلق آدم أبوك
أصْل الإنسان
ثُرْت ْعليه..
وِ كمان قِدِرت
تِثور على..رَبه
إلي أبْدَع..يوم
ماصور..خلقته
وزرع في روح
المولى فينا..
محبته..ورحمته
وحكمته..وكل
الأمان..في نعمته
إللي بنحمد..ربنا
عليها طول ماعُمرنا
ممدود..ونِشهدْله
كمان..بشدته..
في حساب بَشَرْ
خانوا الأمانة..
من زمان
حلوين قوي..
هما البشر..!
مش كده..؟
فهمت حاجة؟
وللا لسا..!
نقول كمان...!
ياللي مشيت..
ورا شهوتك
ورفضت..إنك
فعلا إنسان
مرتاح كده..!
مرتاح قوي..!
طب قول بجَد
لما بنتخَوِّ ل بشر
إزاي في نفس
الوقت نقدر..
نقتل جوانا
إحنا..الإنسان... !!
#بقلمي
الشاعر محمد الأخرس

—