يالي شايفني ومش شايفاك
**********************
يالي شايفني ومش شايفاك
أنا مش بلعب هِنا معاك
إكبر بقي وبلاش تتعبني
لحسن صبري نفذ وياك
يالي شايفني ومش شيفاك
أنا مش هالعب كدا وياك
مهما عملت أنا أكبر منك
ومش هاأعمل زي عَمَايلك
يالي شايفني ومش شايفاك
أنا مش بلعب هنا وياك
داأنا لو يوم أعمل زيك
أبقي بصغر نفسي معاك
يالي شايفني ومش شايفاك
يالا بلاش تتعبني معاك
أنا هاتعود إني أنساك
ماهي ما كنتشي فارقه معاك
ياإبني إبعد عني خلاص
داأنا بعد عمايك كرهت الناس
ماهو مبقاش فيهم إخلاص
وإنت كمان لازم تنداس
ماإنت نسيت معني الإخلاص
وإن عنك . سألوني يوم الناس
راح أقول إبني خلاص مات
باعني ومش راجع تاني خلاص
يالي شايفني ومش شايفاك
خلاص أنا مش هارجعلك تاني
ماإنت إخترت إنك تنساني
وروحت نسيت شوقي وحناني
يالي شايفني ومش شايفاك
ياإبني كفايه بلاش تمثيل
لأجل تعبت أنا من التعليل
كان قلبي شايلك حب كبير
مات . مات من كتر التبرير
ياإبني روح وإبعد بعيد عني
أتمني أشوفك متهني
ياإبني بقولك لف ودور
أنا مش هارجع مهما تثور
أصل في فلبي منك ياما
ماإنت سيب لي ألف علامه
وأنا مش هاندم مره عليك
ولا هاتشوفني يوم بعينيك
وإكبر ياإبني بلاش ألاعيب
إفهم بقي إن دا كان عيب
إعقل بقي وإرجع من تاني
لأجل عمايلك مش عجباني
يالي شايفني ومش شيفاك
يالا تعالي أنا مسمحاك
راح أغفرلك وأبقي معاك
ماأنا في الدنيا مالي سواك
ياإبني تعالي بلاش تعقيد
يالا تعالي الإيد في الإيد
أصل عمايلك مش هاتفيد
يالا نقيد شموع العيد
يالي شايفني ومش شيفاك
يالا تعالي أنا مسمحاك
وإوعي تقلي كرامتك فين
دا إنت النن وضي العين
ياللي شايفني ومش شيفاك
مهما عملت أنا مسمحاك
ياإبني تعالي و بلاش تفكير
إللي في راسك مش هايصير
يالا تعالي ..
إيه . مش عايز .. يبقي براحتك
أنا مش هاقلِق من تاني راحتك
ولازم تعرف مش راح أسامحك
وإن جيت لي في يوم تاني
إتاكد مش راح تلقاني
أصلي هاغير عنواني
ماأنا مش هافضل عمري أعاني
يالي شايفني ومش شيفاك
صفاء عبد ربه'
ليست هناك تعليقات:
إرسال تعليق