إسمع لصوت غمض عينيك معايا واحلم بقلم ابتسام عوض

إسمع لصوت 
غمض عينيك معايا
واحلم
بكل فرحة بتناديك
اسمع لصوتك 
من بعيد
بيقولك افرح
الدنيا عيد
وشوف الحمام
طاير لفوق
بينادى تعالى
للشروق
إفتح بيبان
سكتك
واسم ليالى 
محبتك
غمض عينيك
واحلم معايا
بالربيع 
وزهور بنفسج
تبصلك
ويفرح هوايا
غمض عينيك 
واحلم معايا
بشمس تشرق 
للجميع
تحضن بنورها
كل سهل 
وكل بقيع
احلم معايا
بالقمر 
وجمال لقاه
والسهر يغنى 
غناه
يالا نحلم
وإوعى يوم
تنسى تحلم
ده الحلم باقى
طول ما فيه
فى قلوبنا نبض
طول ما فيه
فى قلبى
ضد
بقلم ابتسام عوض حسن الشاعرة المجهولة