وترقص حروف القلم
تهتف وتصرخ بحبك يا بلدي
يا أرض الجوامع
وأرض اللي بزرع
ويضرب بفاسه أرض المحبة
تطرح غناوي
في أرضك يا بلدي
طلعت شموسنا تصبّح
وتحضن كل المواني
وفجرالليالي ... زقزق وجانا
وشقشق ونوّر ...
مصر الخلود
رمز الكرامة أرض الجدود
مهما اتظلمنا
مهما اتسجنا
نصبر ونصبر
لكن نحذّر...
نفهّم ..
نبصر..
نقول
ولما الحكاية تبقى عصابة .... عصابة جنون
يجي الطوفان
وتطلع خلايق تنور شموسنا ويجي النهار
ياناس يا قصايد....
يا كل الشموس
صبرنا .... صرخنا بوجه الطغاة
كانت عيونا... تدور علينا في نور الإله
الله أكبر تقولها الحناجر
تقولها القلوب قبل الشفايف
وتمشي الخطاوي برغم السلاسل
تشد الشموس تنور بلادي
بلد الغلابة الشقيانين
التعبانين
المعجنونين في تراب شوارعها الحبيبة
واللي قاموا يشوفوا بكره في حضنها
واللي دابوا في عشق نيلها ورملها
والخير بطولها وعرضها
دي أرضنا
دي مصرنا
عرفانا وسكنا في قلبنا وفي دمنا
بكره أحلى يا بلدي
بكره حلم العمر
يطرح ورد وجناين فل
وشمس بكره حتحلا
علينا لمّا تطل
وتبقى مصر جميلة
وتبقى ورد وفل
دي مصر جنة ربنا
دي مصر حته مننا
دي مصر ست الكل
ابن خاطر
ليست هناك تعليقات:
إرسال تعليق