.............................
سلمولى على كل أم
و قولولى مين غيرها شال الهم
ولا من خيرها أطعم الفم
سلمولى على كل أم
عايشه ولا ماتت مش مهم
المهم مين غيرها يفديك بالدم
مين يا أهبل غير الأم
يا بتاع مراتك و عيالك
مهما تعمل فى امك دعيالك
و لو مصيبة جيالك
تقول يا ريتها فيا و لا تنطالك
ليه تخلى أمك هفيه لبطالك
يا كلب يا ابن الكلب خليك ذوق
و شيل امك على راسك من فوق
يا كلب يا ابن الكلب فوق
من غير حنانها ما تدوق
سلمولى على كل أم
مين غيرها كان ب يلم
و من بعدها اتفرق الجمع
سلمولى على كل دمع
يا قلوب حجر
سلمولى على كل أم
سلمولى على كل شمع
و خلوا عندكو دم
خلوا عندكو سمع
يا اللى تنشل قم
و سلملى على الأم
تسلملى و اخدك فى حضنى و اضم
..................................................
ليست هناك تعليقات:
إرسال تعليق