واحشتينى.بقلم الشاعر الرائع / أحمد منسى

واحشتينى

هو

واحشتينى ماقدرتش استنا 
سيبت كل الدنيا وجيت
فارد دراعينى
مشتاق لحضنك ضمينى
ياحبيبتى واحشتينى
ولحضن قلبك حنيت

هى

وانت كمان واحشنى
بس خوفى عليك حايشنى
خايفه يشوفونا يلومونا
ويحاولو من تانى يفرقونا

هو

اللى يشوف يشوف
الحب مافيهش خوف
وطول ماانتى جنبى
اتحدا بيكى اى ظروف

هى

ايدى فى ايدك ياروحى مش هسمح لثانيه فبوعدك تفوت
معاك فى اى سكه حتى لو فى اخرها هموت

هو

شوفى بعنيكى قد ايه حلوه الحياه واحنا سوا
والقمر سهران والنجوم فرحانه بتزفنا

هى

مش هنبعد انا وانت تانى
هتسكن فى قلبى وبين احضانى
وكفايه اللى فتنا
يالا نعيش حياتنا
دالحب بيجى مره واحده
مابيرجعش تانى

بقلمى /احمد منسى